عاجل : أول تعليق من حسام حسن بعد وداع كأس العالم2026

علق حسام حسن على خروج منتخب مصر من كأس العالم2026، والهزيمة من منتخب الأرجنتين في مباراة بدور الـ 16.

وقال حسام حسن في تصريحات لقناة “بي إن سبورت”: “الحمد لله، كنا أحسن، اللي حصل معانا مش عدل، معرفش الجون تلغى ليه؟، الكورة البنتالتي حمدي تشد، الموضوع ممكن يكون تسويق، عاوزين يخلوا بطل العالم لسه موجود، عاوزين ميسي موجود، بقول للشعب المصري والإفريقي، فيه عوامل تانية تبقى صعبة”.

وأضاف: “كنت أتمنى نفرحكوا أكتر من كده، خسارة ظالمة، ومعلش متزعلوش، الحمد لله على كل شيء، كرة القدم فيها حاجات تانية بتحصل بره الملعب، فيه مساندة في كل النواحي لبطل العالم”.

وتابع: ” إحنا لينا أسلوب وأنا كنت واثق في الشغل بتاعنا، وتطور الفريق وعاوز أفرض أسلوبي، وفي نفس الوقت، لكن الأخطاء الكبيرة أنك انت متاخدش حقك، شرف كبير لينا، بقول للجمهور أنا آسف كان نفسي أكمل لأبعد مدى، متزعلوش، عملنا منتخب يشرف الكرة العربية والإفريقية”.

واستطرد المدير الفني لمنتخب مصر: “أنا طموحي لا يتوقف ولازم طموح الكرة المصرية لا يتوقف، الحمد لله، محدش همنا وعاوزين نكمل خلاص ودخلنا في عمق الكرة العربية وإحنا لا نهاب أحد”.

وأكمل: “الماتش تصعب على الأرجنتين أكتر، وأنا سعيد بلاعيبتي، ومش سعيد بالعوامل اللي حصلت، ومش هنوقف وقدامنا أهداف كبيرة، بالعقل والشغل والتحضير والمساندة”.

واختتم حسام حسن تصريحاته: ” قولت للاعبين، شكرا تعبتوا وعملتوا اللي عليكوا، أنا راضي جدا على مجهودكم، وإحنا لعبنا بلاعيبة كلها من الدوري المحلي، مع لاعبين زي صلاح وعمر وهيثم وقدرنا نجابه أي حد وهنجابه أي حد، لكن أرجو يكون فيه عدالة، تظلمنا في ماتش بلجيكا وإنهارده نفس الشيء، أنا سعيد بفرقتي وبقول للجماهير من حقكم تفخوا إن عندكم فريق”.